A Gaelic Threnody

From The New York Herald, August 10th, 1885

Intro
Gaelic font

Modern Irish:

I gCuimhne ar U. S. Grant

Marbh!  Inniu, faoi shoith faoi shuan
	Tá an saighdiúir fíor;
Marbh!  Tá an laoch a sheas go buan
	Ar son a thír';

A thír a bhí, le comhrac, fán
	Ó dheas go tuaidh;
Ó bharr go bun 'tá 'nois síocháin,
	Ba mhór an bhuaidh!

Ciúin cróga bhí sé ins an troid,
	Le misneach lán;
Níor mhianaigh sé a bheith i mbroid
	Fear dubh nó bán.

Níor iarr sé glóire in aon bheart,
	Ba mhór a chroí,
Ach tháinig sí go cóir, go ceart,
	'Gus las a shlí.

Ní fós ó chlann a dhúiche féin
	Do fuair sé glóir',
Ach in gach tír faoi sholas gréin'
	Fuair sé onóir.

Caoinimis é 'gus ní gan fáth,
	Óir bhí a shaol
'Na shampla fhíor den bhrí atá
	I sliocht na nGael.

Marbh!  Ach beidh a chuimhne beo
	'N ár measc go bráth;
Marbh!  Ach beidh ár ngrá níos teo
	Ag fás gach lá!

home