Anonymous    9h Century


Ro fogluimsim in tréide nemthigius filid .i. téinm láega & imus for-osna &
dichedul di chennaib.  Is ann sin do-róine Finn in laígsi oc fromad a éicsi:

    Cétemain, cain cucht,
     reé roshaír rann;
    canait luin láid láin
      día laí grían gaí ngann.

    Gairid cuí chrúaid den
      is fo-chen sam saír:
    suidid síne serb
      i mbi cerb caill chraíb.

    Cerbaid sam súaill sruth;
      saigid graig lúath linn;
    lethid fota fraeich;
      for-beir folt fann finn.

    Fúapair sceithscell scíach;
      im-reith réid rían rith;
    cuirithir sál súan;
      tuigithir bláth bith.

    Berait beich (bec nert)
      bert bonn bochtaí bláith;
    berid slabrai slíab:
      feraid saidbir sáith.

    Seinnid caille céol;
      con-greinn séol síd slán;
    síatair denn do dinn¹
      dé do loch linn lán.

    Labraid tragna trén;
      canaid ess n-ard n-úag
    fáilti do thoinn té;                                            táinic
lúachra lúad.



    Lengait fainnle fúas;
      im-said crúas cíuil cróic
    for-beir mes máeth méth;
      innisid loth loíth.

    Leig lath fath feig
      fert ar-cain cuí chrúaid;
    cuirithir brecc bedc;
      is balc grdc láith lúaith.

    Losaid foirbríg fer;
      óg a mbúaid mbreg mbras;
    caín cach caille clár;
      caein cach mag már mas.

    Melldach rée rann:
      ro fáith gaíth garb gam;
    gel ros; toirtheach tonn;
      oll síd; subach sam.

    Suidigthir íall én
      i n-íath i mbí ben;
    búirithir gort glas
      i mbí brasq glas gel.

    Greit mer, imrim ech;
      im-sernar sreth slúaig;
    rosháer rath geilestar:
      ór eilestar úaid.

    Ecal aird fer fann;
      fedil fochain ucht;
    uisswe ima-cain
    Cétemain, cain cucht!